суббота, 25 мая 2019 г.
<< Վերջին ղողանջ 2019>>
<<Վերջին ղողանջ 2019>> խորագրով միջոցառումը մեկնարկեց Եղեգի միջնակարգ դպրոցի երփներանգ ու զարդարուն բակում: Կրթօջախի և հատկապես շրջանավարտների համար օրն էլ ավելի պատվաբեր դարձավ ՀՀ Սյունիքի մարզպետարանի աշխատակազմի կրթության,մշակույթի և սպորտի վարչության պետ Մ. Գանդալյանի ներկայությամբ, քանի որ դպրոցն իր նվաճումներով ու հաջողություններով պարտական է հենց նրան: Վերջինս ներկայացրեց ՀՀ Սյունիքի մարզպետ Հ. Պողոսյանի շնորհավորական ուղերձը: Ողջյունի ու շնորհավորանքի խոսքերով հանդես եկան նաև դպրոցի տնօրեն Ա. Հովհաննիսյանը և դասղեկ Ս.Սարգսյանը: Դպրոցի բակում աշակերտների կողմից ներկայացված վալսը հիացրեց ներկաներին,որից հետո միջոցառումը շարունակվեց հանդիսությունների շքեղ սրահում: Շրջանավարտների տոնական տեսքին լրացնում էր նրբագեղ ու ճաշակով ձևավորված դահլիճը:
Դասղեկը վերհուշով անդրադարձավ իր սաների՝ Սվետլանայի, Արայիկի և Մարիայի մանկությանը, պատանեկությանը՝ մեկ առ մեկ ներկայացնելով 12 տարիների ընթացքում նրանց ձեռքբերածն ու ստացած պատվոգրերը:
Շրջանավարտները հանդես եկան հետաքրքիր հումորային,երաժշտական համարներով, ազգային և ժամանակակից պարերով՝ ներկաներին ծիծաղ, ջերմություն և հաճելի պահեր պարգևելով:
Շրջանավարտները գիտելիքի բանալին և նվերներ հանձնեցին առաջին դասարանցիներին, ովքեր իրենց հերթին շնորհավորեցին և ոգևորեցին նրանց:
Տասներկուերորդցիները շնորհակալական,երախտիքի ու գովասանքի խոսքեր հղեցին ՀՀ Սյունիքի մարզպետարանի աշխատակազմի կրթության,մշակույթի և սպորտի վարչության պետ Մ.Գանդալյանին,տնօրեն Ա. Հովհաննիսյանին և ուսուցիչներին:
Միջոցառումն ավարտվեց ջերմ ու ոգևորիչ ծափերով, հիացմունքով, հուզմունքով… դպրոցն իր սաներին ճանապարհեց նոր կյանք՝ թռիչքի նոր թևեր, նոր ուժ ու կամք տալով նրանց:
Подписаться на:
Сообщения (Atom)