Եղեգի միջնակարգ դպրոց - Սուրբ Զատկի տոն Եղեգի միջնակարգ դպրոցում

2019թ ապրիլի 18-ին Եղեգի միջնակարգ դպրոցի ԴԱԿ Ա.Մնացականյանը,
համագործակցելով ԱԽ-ի և ԾԽ-ի հետ,կազմակերպեց միջոցառում ՝ նվիրված Սուրբ Զատկի տոնին։ Դպրոցի աշակերտները,ուսուցիչներն ու ծնողները հավաքվել էին տոնելու Հիսուս Քրիստոսի Հարության տոնը։ Եկեղեցու զանգերի ներքո աշակերտները հնչեցրին Տերունական աղոթքը և ողջունեցին միմյանց. _Քրիստոս հարյավ ի մեռելոց _Օրհնյալ է հարությունը Քրիստոսի։ Տոնախմբությունը շարունակվեց ազգային երգ ու պարով, ասմունքներով ու խաղերով։ Միջոցառման վերջում տատին իր թոռնիկներին ներկայացրեց կարմիր ներկած ձվերի և չամչով փլավի խորհուրդների մասին և հրավիրեց Զատկական սեղանի շուրջ ՝ ձվակռիվ խաղալու և համտեսելու օրվա խորհրդի ավանդական կերակրատեսակները։

Եղեգի միջնակարգ դպրոց - ,, Անառիկ ամրոց,մեսրոպյան այբուբեն ,,

1.Օրվա իրադարձությունը՝   <<Այբուբենի  տոն>>                                                                     2.Անվանումը՝    <<Անառիկ ամրոց, մեսրոպյան այբուբեն>>

3.Կատարման ժամկետը՝    17.04.2019թ.

4.Պատասխանատուն՝    առարկայական մեթոդմիավորման նախագահ` Վ. Մինասյան:

5. Կազմակերպիչ /ներ/ը՝  դասվար` Ջ. Արզումանյան

6. Նպատակ /ներ/ ը. 

  v  Կարևորել հայոց այբուբենի դերն ու նշանակությունը ազգի պահպանման գործում:

  v  Ներկայացնել հայոց այբուբենը`որպես մշակույթի ժառանգության գանձ:

7.Համառոտ  նկարագրությունը  /կառուցվածքը, տարբեր մասերի կենսագործումը և այլն/:

 Դասվար  Ջ.Արզումանյանը ողջունեց ներկաներին, ապա շնորհավորեց  առաջին դասարանցիներին տառաճանաչության կապակցությամբ: Աշակերտները հանդես եկան երգ ու պարով: Գրական հերոս <<Կիկոսի>> օրինակով աշակերտները կարևորեցին գրաճանաչության դերն ու նշանակությունը իրենց կյանքում: Սալիկահանդեսի միջոցով ցուցադրվեց աշակերտների գրաճանաչության ուսուցման մեկամյա  ուղին:

   Շնորհակալական խոսքով հանդես եկավ դպրոցի տնօրեն` Ա.Հովհաննիսյանը:

8.Կահավորվածությունը՝   գերազանց:

9.Մասնակցում  էին   1-4-րդ   դասարանների  աշակերտները: 

10.Ներկաները.   Տնօրեն՝ Ա. Հովհաննիսյան, ԴԱԿ` Ա. Մնացականյան, ուսուցիչներ, ծնողներ, աշակերտներ:

Եղեգի միջնակարգ դպրոց - ,, Քայլենք առանց ծխախոտի ,,

  2019 թվականի ապրիլի 16-ին Եղեգի միջնակարգ դպրոցի ուսուցչուհիներ Հ. Գրիգորյանը և Ս. Սարգսյանը պատրաստել էին  <<Քայլենք առանց ծխախոտի >> խորագիրը կրող, բազմաբովանդակ,  տեղեկատվական բուկլետներ, որոնցում զետեղված էր տեղեկատվություն  ծխախոտի և երկրորդային ծխի  վնասակարության ու դրա հետևանքների մասին:
Բուկլետները բաժանվեցին ուսուցիչներին և աշակերտներին ՝ նպատակ ունենալով բարձրացնել աշակերտների իրազեկությունը ծխախոտի օգտագործման հետևանքների վերաբերյալ, ոչ միայն  արդեն կանոնավոր ծխողի հետ, այլ կանխարգելել այն  շրջանում, երբ սկսում են տուրք տալ ծխելուն:

Եղեգի միջնակարգ դպրոց - Համադպրոցական շաբաթօրյակ ,, Ծառատունկ ,,

Եղեգի միջնակարգ դպրոց - Կոմիտաս-150

1.Օրվա իրադարձությունը՝ անկյան թարմացում:                         2.Անվանումը՝    << Մեր  մեծերը>>:             

 3.Կատարման ժամկետը`   12.04.2019թ.:                            

4.Պատասխանատուն՝    տնօրեն `Ա.Հովհաննիսյան:                   5.Կազմակերպիչ /ները՝   գրադարանավար Վ.Սիմոնյան:          

6.Նպատակ /ներ/ ը. 

v  Իմանան  ապրիլ ամսվա  ծնված մեր մեծերին:     

7.Համառոտ նկարագրությունը  /կառուցվածքը, տարբեր մասերի կենսագործումը և այլն/:

Ցերեկույթը նվիրված էր Կոմիտասի 150-ամյակին: Ցուցատախտակին փակցված էր

 Կոմիտասի կենսագրությունը, կյանքն ու գործունեությունը : Դասամիջոցները ուղեկցվում էր Կոմիտասի տարբեր ստեղծագործությունների ունկնդրումով: Կոմիտասի  կյանքն ու գործունեությունը  ներկայացրեցին  12-րդ դասարանի աշակերտուհի Սվետլանա Գրիգորյանը,10-րդ դասարանի աշակերտուհի Մարգարիտա Գևորգյանը և 9-րդ դասարանի աշակերտուհի Անի Մաթևոսյանը : 9-րդ դասարանի աշակերտուհիներ Սիրանուշ Սահակյանը և Միլենա Պողոսյանը կարդացին թևավոր խոսքեր Կոմիտասի մասին:

8.Կահավորվածությունը՝   գերազանց:     

9.Մասնակցում էին`     9-րդ,10-րդ և  12-րդ  դասարանների աշակերտները: 

10. Ներկաները.  Տնօրեն՝ Ա. Հովհաննիսյան, ԴԱԿ՝ Ա. Մնացականյան, ուսուցիչներ և աշակերտներ: