Արձագանք ակումբը լուծում է բնապահպանական խնդիրներ

Եղեգի միջնակարգ դպրոցում <<Արձագանք>> ակումբը բացահայտել էր բնապահպանական հարցերին վերաբերող խնդիրներ և փետրվարի 10- ին դպրոցում համայնքի ղեկավարի, ավագանու, բնակիչների, ուսուցիչների և աշակերտների ներկայությամբ փորձեց բարձրաձայնել բացահայտված խնդիրները, ակնկալելով դրական լուծումներ:

Համայնքում բացահայտված խնդիրներն են`

. անտառահատումներ

. շրջակա միջավայրի աղտոտում

Հիմնականում ընտրվել են այդ երկու խնդիրներն,քանի որ համայքնում անտառները նոսրացել են, և չկա աղբահանություն:

Ակումբի անդամները, ակումբի ղեկավարը և դպրոցի քիմիայի և կենսաբանության ուսուցչուհին ելույթ ունեցան տարաբնույթ զեկույցներով և կոչ արեցին պահպանել շրջակա միջավարը,հիշեցնելով` վնասելով շրջակա միջավարը վնասում ենք ինքներս մեզ:

Դիմեցին համայնքի ղեկավարին լուրջ  վերաբերի խնդրին և խիստ պատիժ նախատեսի օրինախախտներին: Համայնքի ղեկավարը խոստացավ հետևողական լինել այդ հարցում, իսկ բնակիչներն իրենց հերթին խոստացան չկտրել կանաչ ծառերն ու իրենց փոքրինկերի մաքուր օդը չպակասեցնել:

Մյուս խնդիրը պակաս կարևոր չէր: Համայնքում չկա աղբահանություն և բնակիչները աղբը նետում են մոտակա ձորը վնասելով թե' իրենց ,թե' իրենց երեխաների առողջությունը:

Ակումբի անդամներն առաջարկեցին կիրառել կոմպոսի տարբերակը, որի ժամանակ աղբը, չորացած տերևները ծածկում են հողի մեջ և որոշակի աշխատանքներ իրականացնելուց հետո ստանում են պարարտանյութ, որն օգտագործում են բերքի բերրիությունն ապահովելու համար:

Ակումբի անդամներն ու ղեկավարը դպրոցի տնօրենի օգնությամբ պատրաստել էին տարբեր պաստառներ և փակցրել այդ պաստառները դպրոցի ցանկապատերին, որ բոլոր աշակերտներն անընդհատ տեսնեն ու փորձեն իրենց լուման ունենան շրջակա միջավայրի պահպանության հարցում: Փակցրած պաստառներն ունեին հետևյալ բովանդակությունը.

. Հնարավորինս մաքուր մթնոլորտ

. Թող հարատևի անտառը

. Պատասխանատու ենք բնության մաքրության համար

Ակումբի անդամները որոշեցին գարնանը կատարել անվանական ծառատունկ, և պարբերաբար կատարել շաբաթօրյակներ շրջակա միջավայրում:

Նրանք դիմեցին գյուղապետին, դպրոցի տնօրենին համայնքի ավագանուն մասնակից լինել գործընթացին և օգնել միասին հասնել խնդրի դրական լուծմանը: Վերջիներս էլ խոստացան օգնել , աջակցել և փորձել լուծել բարձրաձայնված խնդիրները: