2014 թ.-ի հունվարի 24-ին Եղեգի միջնակարգ դպրոցում տեղի ունեցավ ընթերցման
օլիմպիադայի դպրոցական փուլը: Մրցույթը կայացել
է ըստ ընթերցման օլիմպիադայի անցկացման կարգի:
Նախքան մրցույթի սկսվելը՝ դպրոցի հայոց լեզվի և գրականության ուսուցչուհի՝ Ա. Մնացականյանը, մեծարելով ու գնահատելով գրքի արժեքը, իր բարեմաղթանքն ուղղեց աշակերտներին ու ներկաներին՝ մեջբերելով Չարենցյան խոսքեր՝ <<Օ՜, գրքերի աշխարհը- տիեզերք է անեզր>>: Հորդորեց սիրել գիրքը, քանզի << ով գիրք սիրում է, նա երբեք նվիրված բարեկամի, փրկարար խորհրդատուի, ուրախ ընկերոջ , իսկական մխիթարողի պակասություն չի զգա>>. չէ՞ որ գրքերի աշխարհը հարուստ է հրաշքներով:
Աշակերտները մեծ ոգևորությամբ են մասնակցել մրցույթին: Նրանք իրենց և ժյուրիի նախընտրած ստեղծագործություններից ընթերցեցին հատվածներ՝ փորձելով հնարավորինս պահպանել ընթերցման կանոնները: Հաղթող ճանաչված աշակերտները արժանացան պատվոգրերի, և տնօրինության կողմից նրանց շնորհվեց գրենական պիտույքներ:
Իրենց ընկերների հաղթանակը գեղեցիկ ընթերցմամբ շնորհավորեցին նաև դպրոցի 5-րդ և 7-րդ դասարանի աշակերտները՝ ներկայացնելով հատվածներ նշանավոր գրողների ստեղծագործություններից:
Комментариев нет:
Отправить комментарий