Սեպտեմբերի 1, նոր ուսումնական տարի, գիտելիքի
և դպրության օր: Այս օրը վերստին բացվեցին հարազատ կրթօջախի` Եղեգի միջնակարգ դպրոցի
դռները: Դպրոցն իր գիրկն առավ հարազատ դարձած ուսուցիչներին ու սաներին, ովքեր նոր
հույսով ու լավատեսությամբ են սկսում նոր ուսումնական տարին:
Միջոցառումն ազդարարվեց ՀՀ օրհներգով:
Այնուհետև աշակերտներին, ուսուցիչներին և ծնողներին շնորհավորեց դպրոցի տնօրեն Աշոտ
Հովհաննիսյանը` մաղթելով հետաքրքիր, հայտնություններով հարուստ ու հաջողություններով
լի ուսումնական տարի: Շնորհավորանքներին միացան նաև 12-րդ դասարանի դասղեկ Ս. Սարգսյանը
և դասվար Մ. Ադամյանը:
Հնչեցին աշակերտների բարեմաղթանքներն ու ջերմ խոսքերը:
Միջոցառման վերջում 12-րդ դասարանի աշակերտներն ուղեկցեցին իրենց հետևորդին, ով առաջին
անգամ էր ոտք դնում դպրոցի շեմին:
Комментариев нет:
Отправить комментарий