2015թ.ապրիլի 29-ին Եղեգի միջնակարգ դպրոցում տեղի ունեցավ բաց-դասախոսություն՝ նվիրված Հայոց ցեղասպանության
100-րդ տարելիցին և առաջին աշխարհամարտում սյունեցիների մասնակցությանը: Սա ևս մեկ
քայլ էր՝ ոգեկոչելու անմեղ զոհերի հիշատակը և փաստելու, որ հիշում ենք, հիշո՛ւմ ու
պահանջո՛ւմ: Եվ յուրաքանչյուրիս սուրբ պարտքն է՝ հավերժ հիշել 20-րդ դարի առաջին ցեղասպանությունը,
աղոթել 1,5 միլիոն նահատակված անմեղ զոհերի հոգու հանգստության համար:
Բաց դասախոսության
շրջանակներում իրենց զեկույցներով ելույթ ունեցան Եղեգի միջնակարգ դպրոցի տնօրեն՝ Մ.Գանդալյանը,
Կապանի երկրագիտական թանգարանի տնօրեն՝ Գրիշա Սմբատյանը, թանգարանի աշխատակից՝ Դավիթ
Հակոբյանը, Պատմական միջավայրի պահպանության,Սյունիքի մարզային ծառայության բաժնի պետ՝
Աստղիկ Հակոբյանը: Իր երաժշտական կատարմամբ հանդես եկավ դաշնակահարուհի Լիանա Ստեփանյանը՝
Եղեգի միջնակարգ դպրոցի 7-րդ դասարանի աշակերտ՝
Նարեկ
Խաչատրյանի հետ: Բաց-դասախոսությանը ներկա էին ՀՀ Սյունիքի մարզպետարանի աշխատակազմի կրթության,
սպորտի և մշակույթի վարչության, կրթության բաժնի պետ՝ Հայկ Հարությունյանը, գլխավոր
մասնագետ ՝ Երջանիկ Սարգսյանը, դպրոցի տնօրենները, ուսուցիչները, աշակերտները, թանգարանի
աշխատակիցները:
Комментариев нет:
Отправить комментарий