Վերջին
զանգ…վերջին դաս…Եղեգի միջնակարգ դպրոց,նոր շուք ու ճոխություն, անսպառ հույզեր ու
ջերմություն … երկու շրջանավարտ՝ 12 տարվա գիտելիքների մեծ ժառանգություն ստացած, կայացած
, լավատես, իրական հայացքներով ինքնավստահ նայում են նոր կյանքի աչքերին և մեղմորեն
ժպտում: Դպրոցի
բակը նորովի էր պճնվել ՝ վերջին անգամ դիմավորելու և հաղթական ծափողջյուններով ճանապարհելու
իր սաներին: Ողջյունի խոսքերով հանդես եկան դասղեկ Հ.Գրիգորյանը, տնօրեն Մ.Գանդալյանը, ով
ընթերցեց նաև Սյունիքի մարզպետ Վ.Հակոբյանի ուղերձը շրջանավարտներին:Նրանց ողջունեցին
և շնորհավորեցին նաև համայնքապետ Վ.Մարկոսյանը, ԴԽ նախագահ Ա.Սիմոնյանը: Դպրոց
մտնելու իրավունքն առաջինը տրվեց 12-րդ դասարանցիներին, իսկ արդեն հանդիսությունների
շքեղ սրահում տեղի ունեցավ բարձր մակարդակով կազմակերպված միջոցառումը: Դասղեկը վերհուշով անդրադարձավ իր սաների՝ Սեյրանի և Սամվելի մանկությանը, պատանեկությանը՝
մեկ առ մեկ ներկայացնելով 12 տարիների ընթացքում նրանց ձեռքբերածն ու ստացած պատվոգրերը: Շրջանավարտները
հետաքրքիր հումորային, երաժշտական համարներով,
ազգային երգ ու պարով ներկաներին դրական լիցքեր տվեցին:Իրենց ջերմ խոսքերով նրանց ոգևորեցին կրտսեր և միջին դպրոցի աշակերտները: Շրջանավարտները գիտելիքի բանալին, նվերներ և <<երազանքների արկղիկ>>
հանձնեցին դպրոցի միակ առաջին դասարանցուն:Երախտիքի,
շնորհավորանքի և հրաժեշտի խոսքեր հղեցին ուսուցիչներին՝մաղթելով արևշատություն և ամենայն
բարիք:
Միջոցառման
ավարտին տնօրեն Մ.Գանդալյանը,դասղեկ Հ.Գրիգորյանը կրկին շնորհավորեցին Սեյրանին ու
Սամվելին՝ մաղթելով բարի երթ ու միայն հաղթանակներ:
Комментариев нет:
Отправить комментарий