2018 թվականի ապրիլի
25-ին Եղեգի միջնակարգ դպրոցում կրկին տոն էր.
այբուբենի տոն՝ անգլերենից: Միջոցառումն
սկսվեց աշակերտների ողջույնի խոսքերով և երգով: Այնուհետև 3-րդ դասարանի հիանալի փոքրիկները դաշնամուրի քաղցրահունչ մեղեդու ներքո արտասանեցին անգլերենի այբուբենը: Գեղեցիկ զարդարված տոնական դահլիճը լի էր անզուգական երգով,
պարով,
արտահայրիչ ասմունքով ու խանդավառությամբ: Փոքրիկները բոլորին զարմացրին ու հիացրին ի ցույց դնելով
իրենց բեմական արտահայտիչ խոսքն ու դերասանական ձիրքը: Միջոցառման ավարտին բոլորին հյուր եկավ Միքի Մաուսը և մեծ ցնծություն պարգևեց բոլոր ներկաներին՝ իր և փոքրիկների ակտիվ պարով: Միջոցառման ավարտին անգլերենի ուսուցչուհի Մ. Օսիպյանը շնորհավորեց իր սաներին՝ հանձնելով գրաճանաչության վկայագրեր: Բոլոր ներկաները շնորհավորեցին և՛ փայլուն փոքրիկներին , և՛ բազմաշնորհ
ու իր գործին նվիրյալ ուսուցչուհուն՝ հիանալի միջոցառում կազմակերպելու և բարձր տրամադրություն հաղորդելու համար:
Վերջում դպրոցի աշակերտները համտեսեցին տոնական տորթը:
Комментариев нет:
Отправить комментарий