Ապրիլի 6-ին մաշտոցյան շունչն
էր թևածում Եղեգի միջնակարգ դպրոցում :Իր
առաջին գրքին ՝ <<Այբբենարան>>
-ին , հրաժեշտ էր տալիս դպրոցի միակ առաջին դասարանցին ՝ Թաթուլ Գաբրիելյանը ՝ դասընկերների
ընկերակցությամբ :Գեղեցիկ զարդարված բեմում ելույթ էր ունենում 8 ամիս առաջ դպրոցի
շեմին ոտք դրած թոթովախոս մանուկը:Ներկա
գտնվող հյուրերը մտովի տեղափոխվեցին
5-րդ դար , երբ Մաշտոցը Սահակ Պարթևի և Վռամշապուհ արքայի աջակցությամբ ստեղծեց հայոց
տառերը, որոնք հետագայում դարձան հայ ժողովրդի
լինելության և պահպանման զինվորները:Աշակերտները
իրենց ասմունքով , պարով , բեմադրությամբ
, հայոց գրերին նվիրված երգերով վկայեցին , որ գրաճանաչ են և պատրաստ են
իրենց գիրը սերտելու ՝ պահպանելու մշակույթը
, ճանաչելու և հպարտանալու իրենց նախնիների սխրանքներով
ու սերունդներին թողած դասերով ու խորհուրդներով
:
Ներկաները
տպավորված ու հիացած էին աշակերտների ակտիվ
ելույթներով :Դասվար Անուշ Պողոսյանը միջոցառման
վերջում շնորհավորեց իր սանին ՝ մաղթելով նորանոր
հաջողություններ և ձեռքբերումներ
ուսման մեջ :Շնորհավորանքներին միացավ նաև աշակերտի ծնող ՝ Աշխեն Գաբրիելյանը :
Սիլվա
Կապուտիկյանի << Հայ պատանու երդումը մայրենի լեզվին >> բանաստեղծությամբ
տեղի ունեցավ երդման արարողությունը և տնօրեն
Մերի Գանդալյանը Թաթուլ Գաբրիելյանին շնորհեց տառաճանաչության վկայական: Նա հիացել էր գեղեցիկ հանդեսով և համոզված է , որ 1-ին դասարանցին կհաղթահարի
բարդ ու դժվար ուղին , քանի որ արդեն տառաճանաչ
և գրաճանաչ է :
Комментариев нет:
Отправить комментарий